Samuel Sanchezek zeruraino bidaia egin berri du Luz Ardidenen. Olinpiar txapeldunak garaipena erdietsi du Frantziako Tourreko hamabigarren etapan, duela hamar urte Roberto Laisekak irabazi zuen leku berean. Gauzak horrela Euskaltel Euskadik bere lehendabiziko etapa eskuratu du jada. 'Samu'k Igor González de Galdeanoren talde lana biribildu du, Ruben Perezek hasi zuena, Gorka Verdugo eta Gorka Izagirreren laguntzarekin. Milaka euskal zaleek 'marea laranja' osatu dute asturiarraren lorpena ospatzeko.