Athletic 'titularrak' ilusioari ateak ireki dizkio Lasesarren (3-1)

Athletic Clubeko lehen azterketa bizkaitar lurraldean Cataniaren aurkako garaipenarekin amaitu da Lasesarren. Marcelo Bielsaren hamaikakoak antz handia zeukan lehen partida ofizialean zelairatu daitekeenarekin. Ikusitakoak ilusio piztu omen du zaleengan, baloia erabiltzean eta baita erakutsi den irmotasunarengatik. Atsedenaldia baino lehenago, Herrera-Javi Martinez loturari esker lehendabiziko gola heldu da. Bigarren zatian Susaetak bigarrena egin du kalitatez beteriko jokaldian eta ostean Herrerak hirugarrena egin du eibartarraren pasea jaso ostean. Bitartean Keko Gallardo Atletico Madrileko jokalari ohiaren golak ez du garaipena ilundu.