Athleticek denboraldiaurreko lehen partida galdu du

 
Tottenhamek 2-1 irabazi dio  Athletic Clubi eta hauxe izan da zurigorrien denboraldiaurreko lehen porrota. Bilbotarrak nagusi izan dira lehen zatian eta lehen gola sartu dute Mikel San Joseren bitartez, baina Ingalaterrakoek ez dute amorerik eman. Bigarren zatian hiru minututan aurretik ipini dira Crouch eta Defoeren bitartez. Bielsaren mutilek berdinketa bilatu dute, baina saririk gabe amaitu da norgehiagoka.