Iraola minduta itzuli da espainiar selekzioarekin egon eta gero
Andoni Iraola minduta itzuli da atzo Espainiak jokatu zuen lagunarteko partidaren ostean, Italiarekin 2-1 galduz. Usurbilekoa hasierako hamaikakoan zelairatu zen Vicente del Bosqueren taldean, baina atsedenaldian zelaia utzi behar izan zuen giharretan zuen ondoeza zela-eta. EEFF-k adierazi duenaren arabera, Iraolak "ziztada izan du ezker hankako iskiotibialetan eta bilakaeraren zain dago”. Hurrengo egunetan froga osagarriak egingo zaizkio lesioaren nondik norakoak ezagutzeko.